ശ്വാസകോശത്തില് അണുബാധ; സോണിയാ ഗാന്ധിയെ ആശുപത്രിയില് പ്രവേശിപ്പിച്ചു
Jan 4, 2023, 14:33 IST
ന്യൂഡല്ഹി: മുന് കോണ്ഗ്രസ് അധ്യക്ഷ സോണിയാ ഗാന്ധിയെ ആശുപത്രിയില് പ്രവേശിപ്പിച്ചു. ശ്വാസകോശത്തില് അണുബാധയേറ്റതിനെ തുടര്ന്നാണ് ആശുപത്രിയില് പ്രവേശിപ്പിച്ചതെന്നാണ് വിവരം. ഡല്ഹിയിലെ ഗംഗാറാം ആശുപത്രിയിലാണ് സോണിയ ഗാന്ധിയെ പ്രവേശിപ്പിച്ചിരിക്കുന്നത്.
അതേസമയം കുറച്ചുമാസങ്ങള്ക്ക് മുന്പ് ആരോഗ്യ സംബന്ധമായ പരിശോധനയ്ക്കായി സോണിയ ഗാന്ധി വിദേശത്തേക്ക് പോയിരുന്നു. നിലവില് ആരോഗ്യനില സംബന്ധിച്ച കൂടുതല് വിവരങ്ങള് പുറത്തുവന്നിട്ടില്ല.