ഏഷ്യാനെറ്റ് ന്യൂസിന്റെ കൊച്ചി ഓഫീസിൽ എസ്എഫ്ഐ അതിക്രമം ; ശക്തമായ നടപടി ആവിശ്യപ്പെട്ട് പ്രസ് ക്ലബ് ഓഫ് ഇന്ത്യ

ഓഫീസിനുളളില്‍ മുദ്രവാക്യം വിളിച്ച ഇവര്‍ ജീവനക്കാരെ ഭീഷണിപ്പെടുത്തി. തുടര്‍ന്ന് പൊലീസെത്തിയാണ് പ്രവര്‍ത്തകരെ നീക്കിയത്. ഏഷ്യാനെറ്റ് ന്യൂസ് ഓഫീസിനുമുന്നില്‍ എസ് എഫ് ഐ പ്രവര്‍ത്തകര്‍ അധിക്ഷേപ ബാനറും കെട്ടി. അതിക്രമിച്ച് കയറി ഓഫീസിന്റെ പ്രവര്‍ത്തനം തടസപ്പെടുത്തിയത് സംബന്ധിച്ച പരാതിയില്‍ പാലാരിവട്ടം പൊലീസ് കേസെടുത്തു. സെക്യൂരിറ്റി ജീവനക്കാരെ തളളിമാറ്റി ഓഫീസിലേക്ക് പ്രവര്‍ത്തകര്‍ അതിക്രമിച്ചു കടന്നതിന്റെ സിസിടിവി ദൃശ്യങ്ങളും ക്യാമാറാ ദൃശ്യങ്ങളും പരാതിക്കൊപ്പം തെളിവായി നല്‍കിയിട്ടുണ്ട്.

മയക്കുമരുന്നിന് എതിരായ റോവിങ് റിപ്പോർട്ടർ പരമ്പരയിൽ , പ്രായപൂർത്തിയാകാത്ത പെൺകുട്ടിയുടെ വ്യാജ മൊഴി ഉൾപ്പെടുത്തി , വ്യാജ വാർത്ത നിർമിച്ചുവെന്ന ആരോപണത്തെ തുടർന്നാണ് പ്രതിഷേധം. കണ്ണൂർ ഏഷ്യാനെറ്റ് ഓഫീസിലെ ജീവനക്കാരിയുടെ മകളെ , മയക്കുമരുന്നിന് ഇരയായ പെൺകുട്ടി എന്നോണം വ്യാജമായി ചിത്രികരിച്ചെന്നാണ് ആരോപണം