രാജ്യത്ത് സവാള വില കുത്തനെ ഉയര്ന്നു; വിലവര്ധന അഞ്ചിരട്ടിയോളം
Oct 29, 2023, 10:14 IST
ന്യൂഡല്ഹി: രാജ്യത്ത് സവാള വില കുത്തനെ ഉയരുന്നു. അഞ്ചിരട്ടിയോളം വിലവര്ധനയാണ് പതിനഞ്ച് ദിവസത്തിനിടെ ഉണ്ടായത്. ഡല്ഹിയില് ഒരു കിലോ സവാളയ്ക്ക് എഴുപത് മുതല് നൂറ് വരെയാണ് നിലവിലെ വില. വിലക്കയറ്റം പിടിച്ചു നിര്ത്താന് നടപടികള് തുടങ്ങിയെന്നാണ് കേന്ദ്രസര്ക്കാരിന്റെ വിശദീകരണം.
ഡല്ഹിയിലും പരിസര പ്രദേശങ്ങളിലും കഴിഞ്ഞ ദിവസം 70 രൂപയ്ക്ക് മുകളിലായിരുന്നു ഒരു കിലോ ഉള്ളിയ്ക്ക് വില. വരും ദിവസങ്ങളില് വില നൂറ് രൂപയിലെത്തുമെന്ന് കച്ചവടക്കാര് തന്നെ പറയുന്നു. ലഭിക്കുന്നതാവട്ടെ ഗുണനിലവാരം കുറഞ്ഞതും. വരുന്ന ഡിസംബര് മാസം വരെ വില കൂടിക്കൊണ്ടിരിക്കുമെന്നാണ് വിപണിയില് നിന്ന് ലഭിക്കുന്ന സൂചന