ഫിഫ ലോകകപ്പ്; കാമറൂണിനെതിരെ, സ്വിറ്റ്സര്ലന്ഡിന് ജയം
ദോഹ: ഫിഫ ലോകകപ്പില് കാമറൂണിനെതിരെ, സ്വിറ്റ്സര്ലന്ഡിന് ജയം. ഗ്രൂപ്പ് ജിയില് ബ്രീല് എംബോളോ നേടിയ ഗോളാണ് കാമറൂണിനെ വിജയത്തില് എത്തിച്ചത്. ഗോള്രഹിതമായ ആദ്യ പകുതിക്ക് ശേഷമായിരുന്നു എംബോളോയുടെ ഗോള്. മത്സരത്തില് കാമറൂണ് ആധിപത്യം പുലര്ത്തിയെങ്കിലും ഗോള് നേടാനായത് സ്വിറ്റ്സര്ലന്ഡിനാണെന്ന് മാത്രം.
കളിയുടെ 10-ാം മിനിറ്റില് തന്നെ കാമറൂണ് ആദ്യ അവസരം തുറന്നിരുന്നു. ബൗമോ ബുദ്ധിമുട്ടേറിയ കോണില് നിന്ന് ഷോട്ടുതിര്ത്തെങ്കിലും ഗോള് കീപ്പര് തടഞ്ഞിട്ടു. റീബൗണ്ടില് ടോകോ എകാംബിയുടെ ഷോട്ട് ലക്ഷ്യം കാണാതെ പുറത്തേക്ക് പോയി. 30-ാം മിനിറ്റില് ബൗമോയും ചൗപോ മോട്ടിംഗും നടത്തിയ മുന്നേറ്റം സ്വിസ് ഗോള് കീപ്പര് യാന് സോമര് തട്ടിയകറ്റി. ആദ്യ പകുതി അസവാനിക്കുമ്പോള് ഇതായിരുന്നു ചിത്രം.
രണ്ടാം പകുതി ആരംഭിച്ച് മൂന്ന് മിനിറ്റുകള്ക്കമായിരുന്നു സ്വിസ് ആദ്യ ഗോള് നേടിയത്. സെദ്രാന് ഷാക്കിരിയുടെ പാസ് സ്വീകരിച്ച എംബോളോ ബോക്സിനകത്ത് വച്ച് അനായാസം ഫിനിഷ് ചെയ്തു. പിന്നീട് സ്വിറ്റ്സര്ലന്ഡ് താളം കണ്ടെത്തുന്നതാണ് കണ്ടത്.