മനുഷ്യാവകാശ കമ്മീഷൻ ഇടപെടൽ; വിനോദയാത്രക്ക് പോകുന്ന ബസുകളിലെ ഡ്രൈവർമാർ ശിക്ഷിക്കപ്പെട്ടിട്ടില്ലെന്ന് ഉറപ്പാക്കുമെന്ന് ട്രാൻസ്പോർട്ട് കമ്മീഷണർ

എറണാകുളം : സ്കൂൾ വിനോദയാത്രക്ക് പുറപ്പെടുന്ന വാഹനങ്ങളുടെ ഡ്രൈവർമാർ അമിത വേഗത, അശ്രദ്ധമായ വാഹനമോടിക്കൽ, മദ്യപിച്ച് വാഹനം ഓടിക്കൽ തുടങ്ങിയ കുറ്റങ്ങൾക്ക് മുമ്പ് ശിക്ഷിക്കപ്പെട്ടിട്ടില്ലെന്ന് ഗതാഗത കമ്മീഷണറേറ്റ് ഉറപ്പാക്കുമെന്ന് ട്രാൻസ്പോർട്ട് കമ്മീഷണർ മനുഷ്യാവകാശ കമ്മീഷനെ അറിയിച്ചു. ഇതിനാവശ്യമായ നിർദ്ദേശം എൻഫോഴ്സ്മെൻറ് ഉദ്യോഗസ്ഥർക്ക് നൽകിയിട്ടുണ്ട്.