വാഷിംഗ്ടണിൽ മഹാത്മാഗാന്ധിയുടെ 153-ാം ജന്മവാർഷികത്തിൽ ആദരാഞ്ജലികൾ അർപ്പിച്ച് ഇന്ത്യൻ എംബസി

ന്യൂയോർക്ക്, സാൻ ഫ്രാൻസിസ്കോ, ഹൂസ്റ്റൺ എന്നിവിടങ്ങളിൽ ഗാന്ധിയുടെ പ്രതിമയിൽ പുഷ്പാർച്ചന നടത്തി

വാഷിംഗ്ടൺ : മഹാത്മാഗാന്ധിയുടെ 153-ാം ജന്മവാർഷികത്തിൽ വാഷിംഗ്ടൺ ഡിസിയിലെ ഇന്ത്യൻ എംബസി ഗാന്ധി സ്മാരക കേന്ദ്രത്തിൽ ആദരാഞ്ജലികൾ അർപ്പിച്ചു. ന്യൂയോർക്ക്, സാൻ ഫ്രാൻസിസ്കോ, ഹൂസ്റ്റൺ എന്നിവിടങ്ങളിൽ ഗാന്ധിയുടെ പ്രതിമയിൽ പുഷ്പാർച്ചന നടത്തി.

1869 ഒക്ടോബർ 2 ന് ഗുജറാത്തിലെ പോർബന്തർ പട്ടണത്തിൽ ജനിച്ച മഹാത്മാഗാന്ധി അഹിംസാത്മകമായ ചെറുത്തുനിൽപ്പ് സ്വീകരിക്കുകയും ബ്രിട്ടീഷ് കൊളോണിയൽ ഭരണത്തിനെതിരായ സ്വാതന്ത്ര്യ സമരത്തിന്റെ മുൻനിരയിൽ നിൽക്കുകയും ചെയ്തു. ആഗോളതലത്തിൽ, ഗാന്ധിജിയുടെ ജന്മദിനം അന്താരാഷ്ട്ര അഹിംസ ദിനമായാണ് ആചരിക്കുന്നത്. ഈ അവസരത്തോടനുബന്ധിച്ച് ഇന്ത്യയിലും ലോകമെമ്പാടും നിരവധി പരിപാടികൾ നടന്നു.

പ്രധാനമന്ത്രി നരേന്ദ്ര മോദി, പ്രതിരോധ മന്ത്രി രാജ്‌നാഥ് സിംഗ്, സ്പീക്കർ ഓം ബിർള, കോൺഗ്രസ് അധ്യക്ഷ സോണിയ ഗാന്ധി എന്നിവർ മഹാത്മാഗാന്ധിയുടെ ഛായാചിത്രത്തിൽ പുഷ്പാർച്ചന നടത്തി.