നവരാത്രി, ദീപാവലി ആഘോഷങ്ങള്; കിടിലന് ഓഫറുകളുമായി ടാറ്റാ മോട്ടോഴ്സും
30,000 രൂപ വരെയുള്ള ആനുകൂല്യങ്ങള് ടാറ്റ മോട്ടോഴ്സ് വാഗ്ദാനം ചെയ്യുന്നുണ്ട്. 2021 ഒക്ടോബറില് ടാറ്റ ടിയാഗോയ്ക്ക് വലിയ ആനുകൂല്യങ്ങളും നല്കുന്നുണ്ട്.
നവരാത്രി, ദീപാവലി തുടങ്ങിയ ആഘോഷങ്ങളുടെ ഭാഗമായി കിടിലന് ഓഫറുകളുമായി ടാറ്റാ മോട്ടോഴ്സ്. ടാറ്റ ടിയാഗോ, ടാറ്റ ടിഗോര്, ടാറ്റ നെക്സോണ്, ടാറ്റ നെക്സണ് ഇവി, ടാറ്റ ഹാരിയര് എന്നിവയുള്പ്പെടെയുള്ള വാഹനങ്ങള്ക്കാണ് ഉത്സവകാലത്ത് ഒഫറുകളൊരുക്കിയതെന്ന് ഇന്ത്യാ ടുഡേ റിപ്പോര്ട്ട് ചെയ്യുന്നു.
30,000 രൂപ വരെയുള്ള ആനുകൂല്യങ്ങള് ടാറ്റ മോട്ടോഴ്സ് വാഗ്ദാനം ചെയ്യുന്നുണ്ട്. 2021 ഒക്ടോബറില് ടാറ്റ ടിയാഗോയ്ക്ക് വലിയ ആനുകൂല്യങ്ങളും നല്കുന്നുണ്ട്. XT, XZ, XZ പ്ലസ് ട്രിമ്മുകളിലെ ടാറ്റ ടിയാഗോയ്ക്ക് 10,000 രൂപയുടെ അധിക കിഴിവ് 10,000 രൂപ എക്സ്ചേഞ്ച് ഓഫറുമായി വാഗ്ദാനം ചെയ്യുന്നു. ടാറ്റ ടിയാഗോ XE, XT (O) എന്നിവയ്ക്ക് അതേ 10,000 രൂപ ക്യാഷ് ഡിസ്കൗണ്ടും 10,000 രൂപ എക്സ്ചേഞ്ച് ഓഫറും കോവിഡ് വാര്യേഴ്സിന് 3,000 രൂപ കിഴിവുമുണ്ട്.
കൂടാതെ ടാറ്റ ഹാരിയര് എസ്യുവിക്ക് 15,000 രൂപയുടെ എക്സ്ചേഞ്ച് ബോണസ് ലഭിക്കും. ടാറ്റ നെക്സണ് ഇവി ഇപ്പോള് XZ+ ട്രിമിന് 10,000 രൂപയും ലക്സ് പതിപ്പിന് 15,000 രൂപയും എക്സ്ചേഞ്ച് ബോണസായി ലഭ്യമാണ്. ഡീസല് യൂണിറ്റുള്ള ടാറ്റ നെക്സോണിന് 15,000 രൂപയുടെ എക്സ്ചേഞ്ച് ബോണസും കോവിഡ് വാര്യേഴ്സിന് 5,000 രൂപ അധിക കിഴിവുമുണ്ട്. ടാറ്റ നെക്സോണിന്റെ പെട്രോള് വേരിയന്റിന് 3,000 രൂപ കോര്പ്പറേറ്റ് കിഴിവ് മാത്രമേ ലഭിക്കൂ.
അതോടൊപ്പം ടാറ്റ നെക്സണ് ഇവി ഇപ്പോള് XZ+ ട്രിമിന് 10,000 രൂപയും ലക്സ് പതിപ്പിന് 15,000 രൂപയും എക്സ്ചേഞ്ച് ബോണസായി ലഭിക്കും. ടാറ്റ ആള്ട്രോസിനും പുതുതായി പുറത്തിറക്കിയ ടാറ്റ ടിഗോര് ഇവിക്കും 2021 ഒക്ടോബറില് കിഴിവുകള് ഇല്ല, അതേസമയം വരാനിരിക്കുന്ന ടാറ്റ പഞ്ചിനുള്ള ബുക്കിംഗ് ഇപ്പോള് ഇന്ത്യയിലുടനീളമുള്ള എല്ലാ ടാറ്റ ഡീലര്ഷിപ്പുകളിലും ലഭ്യമാണ്.