Movies

പ്രതിഷേധം; അക്ഷയ് കുമാർ ചിത്രം ലക്ഷ്മി ബോംബിന്റെ പേര് മാറ്റി

ഹിന്ദു സംഘടനകളുടെ പ്രതിഷേധം ശക്തമായതിനെ തുടർന്ന് അക്ഷയ് കുമാറിന്റെ പുതിയ ചിത്രം ലക്ഷ്മി ബോംബിന്റെ പേര് മാറ്റി. ലക്ഷ്മി എന്നാണ് ചിത്രത്തിന്റെ പുതിയ പേര്. ചിത്രത്തിന്റെ പേരിനെ ചൊല്ലി വിവാദം ഉയർന്ന സാഹചര്യത്തിലാണ് തീരുമാനം. ചിത്രത്തിന്റെ പേര് ഹിന്ദു വിശ്വാസം വ്രണപ്പെടുത്തിയെന്ന് ആരോപിച്ചായിരുന്നു പ്രതിഷേധം.

അക്ഷയ് കുമാർ പ്രധാന കഥാപാത്രമായി എത്തുന്ന ചിത്രം ഹിന്ദു ദേവതാ സങ്കല്പത്തെ അപമാനിക്കുന്നതിനൊപ്പം ലൗ ജിഹാദിനെ പ്രോത്സാഹിപ്പിക്കുന്നതാണെന്നും ഹിന്ദു സംഘടനകൾ ആരോപിച്ചിരുന്നു. ഹൈന്ദവ വിശ്വാസങ്ങളെ അപമാനിക്കുന്നതിനായാണ് ചിത്രത്തിന് ഇത്തരമൊരു പേര് നൽകിയതെന്ന് ചലച്ചിത്ര നിരൂപകരും അഭിപ്രായപ്പെട്ടിരുന്നു. തുടർന്നാണ് സെൻസർ ബോർഡുമായി ചർച്ച ചെയ്ത ശേഷം ചിത്രത്തിന്റെ പേര് മാറ്റാൻ അണിയറ പ്രവർത്തകർ തീരുമാനിച്ചത്.

ദീപാവലിക്ക് മുന്നോടിയായി നവംബർ 9 നാണ് ചിത്രം പുറത്തിറങ്ങുന്നത്. കിയാര അദ്വാനിയാണ് ചിത്രത്തിലെ നായിക. ഡിസ്‌നി പ്ലസ് ഹോട്ട്സ്റ്റാറിലൂടെ റിലീസ് ചെയ്യും.

Related Articles

Back to top button