തദ്ദേശ തിരഞ്ഞെടുപ്പ്; വോട്ടര് പട്ടികയില് പേര് ചേര്ക്കാന് ഒക്ടോബര് 31 വരെ അപേക്ഷിക്കാം
സംസ്ഥാനത്തെ തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് വോട്ടര് പട്ടികയില് പേര് ചേര്ക്കാന് ഒരവസരം കൂടി. ഒക്ടോബര് ഒന്നിന് പ്രസിദ്ധീകരിച്ച അന്തിമ വോട്ടര് പട്ടികയില് പേര് ഉള്പ്പെട്ടിട്ടില്ലാത്തവര്ക്ക് പേര് ചേര്ക്കുന്നതിന് ഒക്ടോബര് 27 മുതല് 31 വരെ വീണ്ടും അവസരമുണ്ടെന്ന് സംസ്ഥാന തെരഞ്ഞെടുപ്പ് കമ്മീഷണര് അറിയിച്ചു.
പേരുകള് ചേര്ക്കുന്നതിനും തിരുത്തലുകള് വരുത്തുന്നതിനും സ്ഥാനമാറ്റം നടത്തുന്നതിനും http://www.lsgelection.kerala.gov.in എന്ന വെബ്സൈറ്റ് വഴിയോ അക്ഷയ കേന്ദ്രം മുഖേനയോ ഓണ്ലൈനായി അപേക്ഷ സമര്പ്പിക്കാം.
മരണപ്പെട്ടവരെയും സാധാരണ താമസക്കാരല്ലാത്തവരെയും പട്ടികയില് നിന്ന് ഒഴിവാക്കുന്നതിനുളള ആക്ഷേപങ്ങള് നേരിട്ടോ തപാലിലൂടെയോ അതാത് ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ക്ക് സമര്പ്പിക്കാം.
ഒക്ടോബര് 31 വരെ ലഭിക്കുന്ന അപേക്ഷകളും ആക്ഷേപങ്ങളും പരിശോധിച്ച് നവംബര്‍ 10ന് സപ്ലിമെന്ററി പട്ടികകള്‍ പ്രസിദ്ധീകരിക്കുന്നതിന് ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ക്ക് കമ്മീഷന്‍ നിര്‍ദേശം നല്‍കിയിതായും സംസ്ഥാന തെരഞ്ഞെടുപ്പ് കമ്മീഷണര് വ്യക്തമാക്കി.