LogoLoginKerala

കോട്ടയത്ത് ആന ഇടഞ്ഞു; വ്യാപക നാശനഷ്ടം

നാടിനെ വിറപ്പിച്ച് കൊമ്പന്റെ അഴിഞ്ഞാട്ടം. തടിപിടിക്കാൻ എത്തിയ കൊടുങ്ങൂർ സ്വദേശിയുടെ സുന്ദർസിംഗ് എന്ന കൊമ്പനാണ് എളമ്പള്ളി നെയ്യാട്ടുശേരിയ്ക്കു സമീപം ഇടഞ്ഞോടിയത്. തിങ്കളാഴ്ച ഉച്ചയ്ക്ക് ഒന്നരയോടെയാണ് ആന ഇടഞ്ഞോടിയത്. രണ്ട് പോസ്റ്റ് കുത്തിമറിച്ചതോടെ പ്രദേശമാകെ ഇരുട്ടിലായി. Also Read: പൃഥ്വിരാജിന് കോവിഡ് സ്ഥിരീകരിച്ചു രാത്രിയുടെ ഇരുട്ടിൽ പ്രദേശത്തെ തോട്ടത്തിലേയ്ക്കു ഓടിക്കയറിയ കൊമ്പനെ ഇനിയും കണ്ടെത്താൻ സാധിച്ചിട്ടില്ല. തിങ്കളാഴ്ച രാവിലെയാണ് ആനയെ ഇളമ്പള്ളിയ്ക്കു സമീപം ഏനാട്ടുശേരിയിൽ തടിപിടിക്കുന്നതിനായി കൊണ്ടു വന്നത്. തടിപിടിച്ചതിനു ശേഷം ആനയെ സമീപത്തെ തോട്ടിൽ കുളിക്കാൻ ഇറക്കി. തോട്ടിൽ …
 

നാടിനെ വിറപ്പിച്ച് കൊമ്പന്റെ അഴിഞ്ഞാട്ടം. തടിപിടിക്കാൻ എത്തിയ കൊടുങ്ങൂർ സ്വദേശിയുടെ സുന്ദർസിംഗ് എന്ന കൊമ്പനാണ് എളമ്പള്ളി നെയ്യാട്ടുശേരിയ്ക്കു സമീപം ഇടഞ്ഞോടിയത്. തിങ്കളാഴ്ച ഉച്ചയ്ക്ക് ഒന്നരയോടെയാണ് ആന ഇടഞ്ഞോടിയത്. രണ്ട് പോസ്റ്റ് കുത്തിമറിച്ചതോടെ പ്രദേശമാകെ ഇരുട്ടിലായി.

Also Read: പൃഥ്വിരാജിന് കോവിഡ് സ്ഥിരീകരിച്ചു

രാത്രിയുടെ ഇരുട്ടിൽ പ്രദേശത്തെ തോട്ടത്തിലേയ്ക്കു ഓടിക്കയറിയ കൊമ്പനെ ഇനിയും കണ്ടെത്താൻ സാധിച്ചിട്ടില്ല. തിങ്കളാഴ്ച രാവിലെയാണ് ആനയെ ഇളമ്പള്ളിയ്ക്കു സമീപം ഏനാട്ടുശേരിയിൽ തടിപിടിക്കുന്നതിനായി കൊണ്ടു വന്നത്. തടിപിടിച്ചതിനു ശേഷം ആനയെ സമീപത്തെ തോട്ടിൽ കുളിക്കാൻ ഇറക്കി. തോട്ടിൽ കുളിയ്ക്കുന്നതിനിടെ കുറുമ്പ് കാട്ടിയ ആന ഇവിടെ നിന്നും കയറാൻ തയ്യാറായില്ല. കൊമ്പനെ പിടികൂടാനും നിലയ്ക്കു നിർത്താനും പാപ്പാന്മാർ ശ്രമിച്ചു. തയ്യാറാകാതിരുന്ന ആന തോടിന്റെ അക്കരയിലേയ്ക്കു കയറുകയായിരുന്നു. തുടർന്ന് ആനയെ തളയ്ക്കുന്നതിനായി ഉടമ കൊടുങ്ങൂർ രാജേന്ദ്രന്റെ നേതൃത്വത്തിൽ ആളുകൾ എത്തി. ഈ സമയം ഇടഞ്ഞോടിയ കൊമ്പൻ റോഡരികിൽ നിർത്തിയിട്ടിരുന്ന ഓട്ടോറിക്ഷ തകർത്തു. ഓട്ടോറിക്ഷ കൊമ്പിൽ കോർത്ത് നിലത്തടിച്ച ആന ഓടുന്നതിനിടെ രണ്ടിടത്ത് വൈദ്യുതി പോസ്റ്റുകളും കുത്തി മറിച്ചു.

Also Read:വിവാഹവും ആഘോഷങ്ങളും; കേരളത്തിൽ വന്‍തോതില്‍ കോവിഡ് വ്യാപനം

ആനയെ തളയ്ക്കുന്നതിനായി വൈകിട്ട് നാലു മണിയോടെ കോട്ടയത്തു നിന്നും മയക്കുവെടി വിദഗ്ധനായ ഡോ.സാബു സി.ഐസക്കിന്റെ നേതൃത്വത്തിലുള്ള സംഘവും സ്ഥലത്ത് എത്തിയിരുന്നു. അക്രമാസക്തനായ ആന പാപ്പാൻമാരെ അനുസരിക്കാൻ കൂട്ടാക്കാതെ വാഹനങ്ങൾക്ക് നേരെ നീങ്ങുകയായിരുന്നു. ഓട്ടോറിക്ഷകളും ഇരുചക്ര വാഹനങ്ങളും ഉൾപ്പെടെയാണ് തകർത്തത്. വൈദ്യുത പോസ്റ്റുകൾക്കും കേടുപാട് വരുത്തി.

Also Read: സജ്‌ന ഷാജി ആത്മഹത്യക്ക് ശ്രമിച്ചു