സംസ്ഥാനത്ത് ആള്‍ക്കൂട്ടങ്ങള്‍ക്ക് നിരോധനം: അഞ്ചുപേരില്‍ കൂടുതല് ഒത്തുകൂടരുത്; സര്ക്കാര് ഉത്തരവ്
കോവിഡ് വ്യാപനത്തിന്റെ പശ്ചാത്തലത്തില് കേരളത്തില് നിയന്ത്രണങ്ങള് ശക്തമാക്കി സര്ക്കാര്. അഞ്ചില് കൂടുതല് ആളുകള് കൂട്ടം കൂടരുതെന്ന് സംബന്ധിച്ച് ഉത്തരവിറക്കി. മറ്റെന്നാള് മുതല് ഈ മാസം 31 വരെയാകും പുതിയ നിയന്ത്രണങ്ങള്.
പ്രാദേശിക സാഹചര്യങ്ങള് വിലയിരുത്തി കളക്ടര്മാര്ക്ക് കൂടുതല് നടപടി കൈക്കൊള്ളാം. സിആര്പിസി 144 പ്രകാരമാണ് ഉത്തരവ്. വിവാഹത്തിന് 50 പേര്ക്കും മരണാനന്തര ചടങ്ങുകളില് 20 പേര്ക്കും പങ്കെടുക്കാം.
സംസ്ഥാനത്ത് കോവിഡ് വ്യാപനം അതിരൂക്ഷമായി തുടരുന്ന സാഹചര്യത്തില് നിയന്ത്രണം ശക്തമാക്കുമെന്ന് മുഖ്യമന്ത്രി പറഞ്ഞിരുന്നു. സാമൂഹിക അകലം പാലിക്കാത്തവര്ക്കെതിരെ കര്ശന നടപടിയെടുക്കും. അകലം പാലിക്കാതെ നില്‍ക്കുന്ന കടകളില്‍ കട ഉടമകള്‍ക്കെതിരെ നടപടി ഉണ്ടാകണമെന്നും മുഖ്യമന്ത്രി പറഞ്ഞു.
വിവിധ ചടങ്ങുകളില് നിശ്ചയിച്ച തീരുമാനം നടപ്പാക്കാന്‍ ബന്ധപ്പെട്ടവര്‍ക്ക് സാധിക്കണം. ഇത്തരം കാര്യങ്ങള്‍ ലംഘിക്കുന്നവര്‍ക്കെതിരെ ഇടപെടല്‍ ഉണ്ടാകണം. അതിനായി ഓരോ പ്രദേശത്തും പുതിയ സംഘം ആളുകളെ കൊടുക്കണം. സംസ്ഥാന സര്ക്കാര് സര്‍വീസിലെ ഗസറ്റഡ് ഓഫിസര്‍ റാങ്ക് ഉള്ളവരെ പഞ്ചായത്തുകള്‍, മുനിസിപ്പല്‍ കോര്‍പറേഷന്‍ എന്നിവിടങ്ങളില്‍ ഇത്തരം കാര്യങ്ങളുടെ ചുമതല നല്‍കുമെന്നും മുഖ്യമന്ത്രി വ്യക്തമാക്കിയിരുന്നു.