എസ്.പി.ബാലസുബ്രഹ്മണ്യത്തിന്റെ കോവിഡ് ഫലം നെഗറ്റീവ്

പ്രശസ്ത തമിഴ് ഗായകൻ എസ്.പി.ബാലസുബ്രഹ്മണ്യത്തിന്റെ കോവിഡ് പരിശോധനാ ഫലം നെഗറ്റീവായി. അദ്ദേഹത്തിന്റെ മകൻ എസ്.പി. ചരൺ വിഡിയോ സന്ദേശത്തിലൂടെയാണ് ഇക്കാര്യം അറിയിച്ചത്. ശ്വാസകോശ സംബന്ധമായ അസുഖം അലട്ടുന്ന അദ്ദേഹം വെന്റിലേറ്ററിൽ തുടരുമെന്നും ചരൺ അറിയിച്ചു. നിലവിൽ ചെന്നൈയിലെ എംജിഎം ഹെൽത്കെയർ ആശുപത്രിയിലാണ് ബാലസുബ്രഹ്മണ്യം. ഓഗസ്റ്റ് 5നാണ് കോവിഡ് ബാധിച്ചതായി എസ്പിബി വീഡിയോ സന്ദേശത്തിലൂടെ അറിയിച്ചത്. എന്നാൽ പിന്നീട് ആരോഗ്യനില മോശമായതിനെ തുടർന്ന് വെന്റിലേറ്ററിൽ പ്രവേശിപ്പിക്കുകയായിരുന്നു. അദ്ദേഹത്തിന്റെ ആരോഗ്യനിലയിൽ പുരോഗതിയുണ്ടെന്നും തിങ്കളാഴ്ചയോടെ ശുഭവാർത്ത പ്രതീക്ഷിക്കാമെന്നും ചരൺ വ്യാഴാഴ്ച പറഞ്ഞിരുന്നു. …