കേരളത്തിൽ ഇന്ന് 1983 പേര്ക്ക് കൊവിഡ് സ്ഥിരീകരിച്ചു; 1777 പേര്ക്ക് സമ്പര്ക്കത്തിലൂടെ രോഗം
സംസ്ഥാനത്ത് ഇന്ന് 1983 പേര്ക്ക് കൊവിഡ് സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ വാര്ത്താക്കുറിപ്പില് അറിയിച്ചു. ഇന്ന് രോഗം സ്ഥിരീകരിച്ചവരില് 64 പേര് വിദേശ രാജ്യങ്ങളില് നിന്നും 99 പേര് മറ്റ് സംസ്ഥാനങ്ങളില് നിന്നും വന്നതാണ്. 1777 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 109 പേരുടെ സമ്പര്ക്ക ഉറവിടം വ്യക്തമല്ല. രോഗം സ്ഥിരീകരിച്ച് ചികിത്സയിലായിരുന്ന 1419 പേരുടെ പരിശോധനാഫലം നെഗറ്റീവ് ആയതായും മന്ത്രി അറിയിച്ചു.
രോഗം സ്ഥിരീകരിച്ചവരുടെ ജില്ലതിരിച്ചുള്ള കണക്ക്:
തിരുവനന്തപുരം – 429
മലപ്പുറം – 335
എറണാകുളം – 165
കോഴിക്കോട് – 158
ആലപ്പുഴ – 155
കോട്ടയം – 136
തൃശൂര് – 119
കാസര്ഗോഡ് – 105
പാലക്കാട് – 83
കൊല്ലം – 82
പത്തനംതിട്ട -78
കണ്ണൂര് – 78
ഇടുക്കി – 34
വയനാട് – 26
12 മരണങ്ങളാണ് ഇന്ന് കൊവിഡ് മൂലമാണെന്ന് സ്ഥിരീകരിച്ചത്. ഓഗസ്റ്റ് 15ന് മരണമടഞ്ഞ ആലപ്പുഴ ജില്ലയിലെ കരിയിലക്കുളങ്ങര സ്വദേശി സദാനന്ദന് (62), കണ്ണൂര് കണ്ണപുരം സ്വദേശി കൃഷ്ണന് (78), ഓഗസ്റ്റ് 18ന് മരണമടഞ്ഞ എറണാകുളം വെണ്ണല സ്വദേശി മുഹമ്മദ് കുട്ടി (78), കോഴിക്കോട് നല്ലളം സ്വദേശി അഹമ്മദ് ഹംസ (69), മലപ്പുറം രണ്ടത്താണി സ്വദേശിനി അയിഷാമ്മ (54), മലപ്പുറം ചെറിയമുണ്ട സ്വദേശി ഇന്തിന്കുട്ടി (71), മലപ്പുറം നടുവത്ത് സ്വദേശി മുഹമ്മദ് ഇക്ബാല് (58), ഓഗസ്റ്റ് 19ന് മരണമടഞ്ഞ കോഴിക്കോട് തിക്കോടി സ്വദേശി മുല്ലക്കോയ തങ്ങള് (67), ഓഗസ്റ്റ് 14ന് മരണമടഞ്ഞ മലപ്പുറം ചേലാമ്പ്ര സ്വദേശിനി ദേവകി അമ്മ (94), ഓഗസ്റ്റ് 16ന് മരണമടഞ്ഞ കോഴിക്കോട് തിക്കോടി സ്വദേശി മുഹമ്മദ് കോയ (55), കോഴിക്കോട് മാവൂര് സ്വദേശിനി പി.ടി. സുലു (49), കോഴിക്കോട് വെസ്റ്റ് ഹില് സ്വദേശി ഷൈന് ബാബു (47) എന്നിവരുടെ പരിശോധനാഫലം കൊവിഡ് മൂലമാണെന്ന് എന്ഐവി ആലപ്പുഴ സ്ഥിരീകരിച്ചു. ഇതോടെ ആകെ മരണം 203 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.
ഇന്ന് രോഗം സ്ഥിരീകരിച്ചവരില് 64 പേര് വിദേശ രാജ്യങ്ങളില് നിന്നും 99 പേര് മറ്റ് സംസ്ഥാനങ്ങളില് നിന്നും വന്നതാണ്. 1777 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 109 പേരുടെ സമ്പര്ക്ക ഉറവിടം വ്യക്തമല്ല.
സമ്പര്ക്കത്തിലൂടെ രോഗം ബാധിച്ചവര്:
തിരുവനന്തപുരം – 411
മലപ്പുറം – 318
കോഴിക്കോട് – 146
എറണാകുളം – 144
കോട്ടയം – 127
ആലപ്പുഴ – 124
തൃശൂര് – 104
കാസര്ഗോഡ് – 95
കൊല്ലം – 77
കണ്ണൂര് – 72
പത്തനംതിട്ട – 68
പാലക്കാട് – 60
ഇടുക്കി – 16
വയനാട് – 15
35 ആരോഗ്യ പ്രവര്ത്തകര്ക്കാണ് ഇന്ന് രോഗം ബാധിച്ചത്. തിരുവനന്തപുരം ജില്ലയിലെ 14, മലപ്പുറം ജില്ലയിലെ ആറ്, തൃശൂര് ജില്ലയിലെ അഞ്ച്, എറണാകുളം ജില്ലയിലെ നാല്, കോഴിക്കോട്, വയനാട് ജില്ലകളിലെ രണ്ട് വീതവും, ആലപ്പുഴ, പാലക്കാട് ജില്ലകളിലെ ഒന്നു വീതവും ആരോഗ്യ പ്രവര്ത്തകര്ക്കാണ് രോഗം ബാധിച്ചത്. എറണാകുളം ജില്ലയിലെ ഏഴ് ഐഎന്എച്ച്എസ് ജിവനക്കാര്ക്കും, കണ്ണൂര് ജില്ലയിലെ ഒരു ഡിഎസ്സി ജീവനക്കാരനും രോഗം ബാധിച്ചു. രോഗം സ്ഥിരീകരിച്ച് ചികിത്സയിലായിരുന്ന 1419 പേരുടെ പരിശോധനാഫലം നെഗറ്റീവ് ആയി.
രോഗമുക്തി നേടിയവരുടെ ജില്ലതിരിച്ചുള്ള കണക്ക്:
തിരുവനന്തപുരം – 258
കൊല്ലം – 54
പത്തനംതിട്ട – 37
ആലപ്പുഴ – 67
കോട്ടയം – 93
ഇടുക്കി – 18
എറണാകുളം – 89
തൃശൂര് – 55
പലക്കാട് – 144
മലപ്പുറം – 319
കോഴിക്കോട് – 163
വയനാട് – 44
കണ്ണൂര് – 44
കാസര്ഗോഡ് – 34
ഇതോടെ 18,673 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 35,247 പേര് ഇതുവരെ കൊവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 1,76,930 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,61,790 പേര് വീട്/ഇന്സ്റ്റിറ്റിയൂഷണല് ക്വാറന്റീനിലും 15,140 പേര് ആശുപത്രികളിലും നിരീക്ഷണത്തിലാണ്. 2128 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.