പ്രണയം നിരസിച്ച വിവാഹിതയെ കുത്തി; യുവാവ് റിമാൻഡിൽ
ഇടുക്കി കട്ടപ്പനയിൽ പ്രണയാഭ്യര്ഥന നിരസിച്ച യുവതിയെ യുവാവ് കുത്തിപ്പരിക്കേല്പ്പിച്ചു. കുത്തേറ്റ യുവതിയുടെ വലത് കണ്ണിനേറ്റ പരിക്ക് ഗുരുതരം.മെഡിക്കല് കോളജ് ആശുപത്രിയിലേക്ക് മാറ്റി.
കട്ടപ്പന പുതിയ ബസ് സ്റ്റാന്ഡില് ബ്യൂട്ടിപാര്ലര് നടത്തുന്ന വിവാഹിതയായ 29കാരിക്കാണ് കഴിഞ്ഞ ദിവസം വൈകീട്ട് കുത്തേറ്റത്. സംഭവത്തില് ചക്കുപള്ളം സ്വദേശി അരുണ്കുമാറിനെ (27) കട്ടപ്പന കോടതി റിമാന്ഡ് ചെയ്തു.
ഞായറാഴ്ച വൈകീട്ട് കട്ടപ്പനയിലെ ബ്യൂട്ടി പാര്ലറില് എത്തിയ യുവാവ് യുവതിയോട് പ്രണയാഭ്യര്ഥന നടത്തി. തന്നെ ശല്യം ചെയ്യരുതെന്നും പോലീസിൽ അറിയിക്കുമെന്നും യുവതി പറഞ്ഞപ്പോൾ പ്രകോപിതനായ യുവാവ് കത്തിയെടുത്ത് മുഖത്ത് കുത്തുകയായിരുന്നു. കണ്ണിനും പുരികത്തിനും ഉള്പ്പെടെ നാല് കുത്തുകളാണേറ്റത്.