സംസ്ഥാനത്ത് 133 പേര്ക്ക് കോവിഡ്-19; രോഗമുക്തി നേടിയവര് 93
സംസ്ഥാനത്ത് ഇന്ന് 133 പേര്ക്കാണ് കോവിഡ്-19 സ്ഥിരീകരിച്ചത്. തൃശ്ശൂര് ജില്ലയില് 16 പേരും പാലക്കാട് 15 പേരും രോഗബാധിതരായി. കൊല്ലം ജില്ലയില് 13 പേര്ക്കും, ഇടുക്കി ജില്ലയില് 11 പേര്ക്കും, ആലപ്പുഴ, കോട്ടയം, മലപ്പുറം, കോഴിക്കോട്, കണ്ണൂര് ജില്ലകളില് 10 പേര്ക്ക് വീതവും, തിരുവനന്തപുരം ജില്ലയില് 9 പേര്ക്കും, പത്തനംതിട്ട ജില്ലയില് 8 പേര്ക്കും, കാസര്കോട് ജില്ലയില് ആറു പേര്ക്കും, എറണാകുളം ജില്ലയില് അഞ്ചു പേര്ക്കുമാണ് രോഗം സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 80 പേര് വിദേശ രാജ്യങ്ങളില് നിന്നും (കുവൈത്ത്-35, സൗദി അറേബ്യ-18, യു.എ.ഇ.-13, ബഹ്റൈന്-5, ഒമാന്-5, ഖത്തര്-2, ഈജിപ്റ്റ്-1, ജീബൂട്ടി (Djibouti)1) 43 പേര് മറ്റ് സംസ്ഥാനങ്ങളില് നിന്നും (തമിഴ്നാട്-17, മഹാരാഷ്ട്ര-16, ഡല്ഹി-3, ഗുജറാത്ത്-2, പശ്ചിമബംഗാള്-2, ഉത്തര്പ്രദേശ്-2, ഹരിയാണ-1) വന്നതാണ്. ഒമ്പത് പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഇടുക്കി, തൃശൂര് ജില്ലകളില് മൂന്നു പേര്ക്ക് വീതവും പാലക്കാട് ജില്ലയില് രണ്ടു പേര്ക്കും എറണാകുളം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്. ഇതുകൂടാതെ ഇടുക്കി ജില്ലയിലെ ഒരു ആരോഗ്യ പ്രവര്ത്തകയ്ക്കും രോഗം ബാധിച്ചിട്ടുണ്ട്.
ഇന്ന് ഏഴ് പുതിയ ഹോട്ട് സ്പോട്ടുകളാണുള്ളത്. കൊല്ലം ജില്ലയിലെ തൃക്കോവില്വട്ടം, മയ്യനാട്, ഇട്ടിവ, കല്ലുവാതുക്കല്, കൊല്ലം കോര്പറേഷന്, കോട്ടയം ജില്ലയിലെ വാഴപ്പള്ളി, പത്തനംതിട്ട ജില്ലയിലെ മല്ലപ്പുഴശ്ശേരി എന്നിവയാണ് പുതിയ ഹോട്ട് സ്പോട്ടുകള്..അതേസമയം ഒമ്പത് പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. തൃശൂര് ജില്ലയിലെ അവണൂര്, ചേര്പ്പ്, തൃക്കൂര്, ഇരിങ്ങാലക്കുട മുന്സിപ്പാലിറ്റി, വാടാനപ്പള്ളി, അളഗപ്പനഗര്, വെള്ളാങ്ങല്ലൂര്, തോളൂര്, കൊല്ലം ജില്ലയിലെ ആദിച്ചനല്ലൂര് എന്നിവയെയാണ് ഹോട്ട്സ്പോട്ടില് നിന്നും ഒഴിവാക്കിയത്. നിലവില് ആകെ 109 ഹോട്ട് സ്പോട്ടുകളാണ് ഉള്ളത്.