ഇന്ത്യയെ പ്രകോപിപ്പിച്ചാൽ തിരിച്ചടിക്കും; ചൈനക്ക് മുന്നറിയിപ്പുമായി മോദി
സൈനികരുടെ ജീവത്യാഗം പാഴാകില്ല. രാജ്യത്തിന്റെ ഐക്യവും പരമാധികാരവും പരമപ്രധാനമാണെന്നും മുഖ്യമന്ത്രിമാരുമായി നടത്തിയ യോഗത്തിനിടെ മോദി പറഞ്ഞു. അതിർത്തിയിൽ പോരാടിയാണ് നമ്മുടെ സൈനികർ മരിച്ചത്. തിരിച്ചടിക്കാൻ ശേഷിയുള്ള രാജ്യമാണ് ഇന്ത്യ. സമാധാനമാണ് ഇന്ത്യ ആഗ്രഹിക്കുന്നത്. ഉചിതമായ മറുപടി നൽകാൻ രാജ്യം പ്രാപ്തമാണ്. അയൽ രാജ്യങ്ങളുമായി എക്കാലവും മികച്ച ബന്ധം പുലർത്തുന്ന രാജ്യമാണ് ഇന്ത്യയെന്നും പ്രധാനമന്ത്രി പറഞ്ഞു.
പ്രദേശത്തെ സംഭവത്തിൽ സർവകക്ഷി യോഗം വിളിച്ചതിന് പിന്നാലെയാണ് വിഷയത്തിൽ പ്രധാനമന്ത്രി പ്രതികരിച്ചത്. വെള്ളിയാഴ്ച വൈകീട്ട് അഞ്ച് മണിക്ക് വീഡിയോ കോൺഫറൻസ് വഴിയാണ് നിർണായക യോഗം. വിവിധ പാർട്ടികളുടെ ദേശീയ അധ്യക്ഷന്മാർ യോഗത്തിൽ പങ്കെടുക്കും.
ലഡാഖിലെ ഗൽവാൻ താഴ്‌വരയിൽ തിങ്കളാഴ്‌ച രാത്രി ചൈനീസ് സൈന്യവുമായി ഏറ്റുമുട്ടലിൽ നിരവധി ഇന്ത്യൻ ജവാന്മാർക്ക് നഷ്‌ടമായ സാഹചര്യത്തിലാണ് പ്രധാനമന്ത്രി യോഗം വിളിച്ചത്.