LogoLoginKerala

സംസ്ഥാനത്ത് വീണ്ടും കൊവിഡ് മരണം; മരിച്ചത് മുൻ സന്തോഷ് ട്രോഫി താരം

മലപ്പുറം: സംസ്ഥാനത്ത് ഒരു കൊവിഡ് മരണം കൂടി. മലപ്പുറം പരപ്പനങ്ങാടി സ്വദേശിയും മുൻ സന്തോഷ് ട്രോഫി താരമായ ഇളയിടത്ത് ഹംസക്കോയ (61) ആണ് മരിച്ചത്. മുംബൈയിൽ നിന്ന് മടങ്ങിയെത്തിയ ഇയാൾ മഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. ഇന്ന് രാവിലെ ആറരയോടെയാണ് മരണം സംഭവിച്ചത്. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 15 ആയി. മേയ് 21ന് മുംബൈയിൽ നിന്ന് മടങ്ങി എത്തിയതിന് പിന്നാലെയാണ് ഹംസക്കോയക്ക് കൊവിഡ് സ്ഥിരീകരിച്ചത്. ഭാര്യക്കും മകനുമാണ് ആദ്യം രോഗം സ്ഥിരീകരിച്ചത്. …
 

മലപ്പുറം: സംസ്ഥാനത്ത് ഒരു കൊവിഡ് മരണം കൂടി. മലപ്പുറം പരപ്പനങ്ങാടി സ്വദേശിയും മുൻ സന്തോഷ് ട്രോഫി താരമായ ഇളയിടത്ത് ഹംസക്കോയ (61) ആണ് മരിച്ചത്. മുംബൈയിൽ നിന്ന് മടങ്ങിയെത്തിയ ഇയാൾ മഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. ഇന്ന് രാവിലെ ആറരയോടെയാണ് മരണം സംഭവിച്ചത്. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 15 ആയി.

മേയ് 21ന് മുംബൈയിൽ നിന്ന് മടങ്ങി എത്തിയതിന് പിന്നാലെയാണ് ഹംസക്കോയ‌ക്ക് കൊവിഡ് സ്ഥിരീകരിച്ചത്. ഭാര്യക്കും മകനുമാണ് ആദ്യം രോഗം സ്ഥിരീകരിച്ചത്. ഹംസക്കോയയുടെ മരുമകള്‍ക്കും മൂന്ന് വയസും പ്രായമുള്ള രണ്ടു ചെറുമക്കള്‍ക്കും കൊവിഡ് സ്ഥിരീകരിച്ചിട്ടുണ്ട്. ഇവരുടെ കാര്യത്തില്‍ ആശങ്കയില്ലെന്ന് ആശുപത്രി അധികൃതർ വ്യക്തമാക്കി.

വെള്ളിയാഴ്‌ച ഉച്ചയോടെ ഹംസക്കോയയുടെ ആരോഗ്യനില മോശമായി. തുടർന്ന് മെഡിക്കൽ ബോർഡിൻ്റെ അനുമതിയോടെ പ്ലാസ്‌മ തെറാപ്പി നടത്തി. ന്യുമോണിയ ബാധിതൻ കൂടിയായിരുന്നു അദ്ദേഹം. പ്ലാസ്‌മ തെറാപ്പി ചികിത്സ നല്‍കിയ ശേഷം കേരളത്തില്‍ മരിക്കുന്ന ആദ്യ വ്യക്തിയാണ് ഹംസക്കോയ. മുംബൈയിൽ നിന്ന് റോഡ് മാർഗമാണ് ഹംസക്കോയ നാട്ടിലെത്തിയത്. പനിയെ തുടർന്നാണ് ആശുപത്രിയിൽ പ്രവേശിച്ചത്.