Other News

കൊല്ലപ്പെടുമെന്ന് ആശങ്ക – സിസ്റ്റർ ലൂസി കളപ്പുര.

താൻ മഠത്തിനുളളിൽവെച്ച് കൊല്ലപ്പെടുമെന്ന ആശങ്കയുണ്ടെന്ന് സിസ്റ്റർ ലൂസി കളപ്പുര. താൻ കണ്ട അരുതാത്ത കാഴ്ച സഭാ നേതൃത്വത്തെ ആശങ്കപ്പെടുത്തുന്നുണ്ട്. മഠത്തിന് സമീപം കഴിഞ്ഞ ദിവസം അപരിചിതൻ എത്തിയതിൽ സംശയമുണ്ടെന്നും താൻ ഉടൻ കൊല്ലപ്പെടാനോ തന്നെ മനോരോഗിയാക്കി മാറ്റാനോ സാധ്യതയുണ്ടെന്നും ലൂസി കളപ്പുര മാധ്യമങ്ങളോട് പറഞ്ഞു.

നിലവിൽ തന്റെ ആരോപണങ്ങൾ തെളിയിക്കാൻ നുണ പരിശോധക്ക് വരെ തയ്യാറാണെന്നും തനിക്ക് എതിർവാദം പറയുന്നവരേയും അതിന് വെല്ലുവിളിക്കുന്നതായും സിസ്റ്റർ ലൂസി പറഞ്ഞു.

എന്നാൽ സിസ്റ്റർ ലൂസി ഉന്നയിച്ച ആരോപണങ്ങൾ തികച്ചും അടിസ്ഥാനരഹിമാണെന്നാണ് മാനന്തവാടി രൂപതയുടെ പ്രതികരണം. ആരോപണം അന്വേഷിച്ച സംഘത്തിന് ഇക്കാര്യം ബോധ്യപ്പെട്ടതാണ്. ലൂസിക്കെതിരെ വിട്ടുവീഴ്ചകളില്ലാത്ത നിയമനടപടി ഇനി ശക്തമാക്കുമെന്നും സഭാവക്താവ് അറിയിച്ചു.

തനിക്ക് വധഭീഷണിയുണ്ടെന്ന രീതിയിൽ സിസ്റ്റർ ലൂസി കളപ്പുര നൽകിയ പരാതി വെളളമുണ്ട പൊലീസ് അന്വേഷിച്ച് വരികയാണ്. മഠത്തിൽ നിന്ന് പുറത്താക്കിയതിനെതിരെ സിസ്റ്റർ നൽകിയ അപ്പീൽ വത്തിക്കാന്റെ പരിഗണനയിലിരിക്കെയാണ് പുതിയ വിവാദങ്ങൾ.

Related Articles

Leave a Reply

Back to top button

buy windows 11 pro test ediyorum