LogoLoginKerala

മൺസൂൺ ജൂൺ ഒന്നിനു തന്നെ !

അറബിക്കടലിൽ ന്യൂനമര്ദ്ദം രൂപപ്പെടുന്ന സാഹചര്യത്തിൽ സംസ്ഥാനത്ത് ജൂൺ ഒന്നിനു തന്നെ മൺസൂൺ ആരംഭിക്കുമെന്ന് കാലാവസ്ഥാ വകുപ്പ് അറിയിച്ചു. മഴ ആരംഭിക്കാനുള്ള സാഹചര്യങ്ങളെല്ലാം ഒരുങ്ങിയതായാണ് കാലാവസ്ഥാ കേന്ദ്രത്തിന്റെ അറിയിപ്പ്. തെക്കുപടിഞ്ഞാറൻ മാലിദ്വീപിലും ബംഗാള് ഉള്ക്കടലിന്റെ ചില ഭാഗങ്ങളിലും ആൻഡമാൻ നിക്കോബാര് ദ്വീപുകളിലും ഇതിനോടകം മൺസൂൺ മഴ ആരംഭിച്ചിട്ടുണ്ട്. വരുന്ന 48 മണിക്കൂറിനുള്ളിൽ ഇത് കൂടുതൽ ഭാഗങ്ങളിലേയ്ക്ക് വ്യാപിക്കും. അറബിക്കടലിൽ ഇരട്ട ന്യൂനമര്ദ്ദം രൂപപ്പെടുന്ന സാഹചര്യത്തിൽ മത്സ്യത്തൊഴിലാളികള്ക്കും മുന്നറിയിപ്പ് നല്കിയിട്ടുണ്ട്. തെക്കുകഴിക്കൻ അറബിക്കടലിലും അതിനോടു ചേര്ന്നുള്ള മധ്യകിഴക്കൻ ഭാഗത്തുമാണ് ന്യൂനമർദ്ദങ്ങൾ …
 

അറബിക്കടലിൽ ന്യൂനമര്‍ദ്ദം രൂപപ്പെടുന്ന സാഹചര്യത്തിൽ സംസ്ഥാനത്ത് ജൂൺ ഒന്നിനു തന്നെ മൺസൂൺ ആരംഭിക്കുമെന്ന് കാലാവസ്ഥാ വകുപ്പ് അറിയിച്ചു. മഴ ആരംഭിക്കാനുള്ള സാഹചര്യങ്ങളെല്ലാം ഒരുങ്ങിയതായാണ് കാലാവസ്ഥാ കേന്ദ്രത്തിന്റെ അറിയിപ്പ്.

തെക്കുപടിഞ്ഞാറൻ മാലിദ്വീപിലും ബംഗാള്‍ ഉള്‍ക്കടലിന്റെ ചില ഭാഗങ്ങളിലും ആൻഡമാൻ നിക്കോബാര്‍ ദ്വീപുകളിലും ഇതിനോടകം മൺസൂൺ മഴ ആരംഭിച്ചിട്ടുണ്ട്. വരുന്ന 48 മണിക്കൂറിനുള്ളിൽ ഇത് കൂടുതൽ ഭാഗങ്ങളിലേയ്ക്ക് വ്യാപിക്കും. അറബിക്കടലിൽ ഇരട്ട ന്യൂനമര്‍ദ്ദം രൂപപ്പെടുന്ന സാഹചര്യത്തിൽ മത്സ്യത്തൊഴിലാളികള്‍ക്കും മുന്നറിയിപ്പ് നല്‍കിയിട്ടുണ്ട്. തെക്കുകഴിക്കൻ അറബിക്കടലിലും അതിനോടു ചേര്‍ന്നുള്ള മധ്യകിഴക്കൻ ഭാഗത്തുമാണ് ന്യൂനമർദ്ദങ്ങൾ രൂപപ്പെടുന്നത്. മെയ് 31 മുതൽ ജൂൺ നാലു വരെയുള്ള ദിവസങ്ങളിൽ കേരളത്തിൽ നിന്നുള്ള മത്സ്യത്തൊഴിലാളികള്‍ ഈ ഭാഗത്തെ മത്സ്യബന്ധനം ഒഴിവാക്കണം

സംസ്ഥാനത്ത് പലയിടത്തും കനത്ത മഴയും ഇടിമിന്നലും തുടരുകയാണ്. കേരളത്തിലും മാഹിയിലും മെയ് 28നും മെയ് 29നും ഇടിയോടു കൂടിയ മഴക്കും ഇടിമിന്നലിനും സാധ്യതയുള്ളതായി കാലാവസ്ഥാ കേന്ദ്രം ഇന്നലെ മുന്നറിയിപ്പ് പുറപ്പെടുവിച്ചിരുന്നു. സംസ്ഥാനത്ത് ഒറ്റപ്പെട്ട കേന്ദ്രങ്ങളിൽ 31 വരെ മഴ തുടരും.