2026 ലോകകപ്പില് ഇന്ത്യയും എത്തുന്നു! വമ്പന് പ്രഖ്യാപനം ഉടന്
ദോഹ: അടുത്ത ലോകകപ്പില് ഇന്ത്യയും എത്തുമോ? ഇന്ത്യയുടെ ലോകകപ്പ് സ്വപ്നത്തിന് വിരാമമാവുന്നോ? തുടങ്ങി നിരവധി ചോദ്യങ്ങള് പലകോണുകളില് നന്നായി ഉയര്ന്നുവരുന്നതിനിടെ, 2026ലെ ഫുട്ബോള് ലോകകപ്പിന്റെ ഫോര്മാറ്റ് മാര്ച്ച് 23ന് പ്രഖ്യാപിക്കുകയാണ്. 48 ടീമുകള് മത്സരിക്കുന്ന ആദ്യ ലോകകപ്പ് അമേരിക്ക, കാനഡ , മെക്സിക്കോ എന്നീ മൂന്ന് രാജ്യങ്ങളിലായാണ് നടക്കുന്നത്. മൂന്ന് ടീമുകള് വീതമുള്ള 16 ഗ്രൂപ്പുകള് എന്നതിന് പകരം നാല് ടീമുകള് വീതമുളള 12 ഗ്രൂപ്പുകള് എന്ന നിര്ദേശത്തിന് സ്വീകാര്യത കൂടുന്നതായാണ് സൂചന. ഇതിനിടെ ഇന്ത്യ കാത്തിരിക്കുന്ന ആ വമ്പന് പ്രഖ്യാപനം എത്തുമോ എന്നാണ് ഫുഡ്ബോള് ആരാധകര് ഉറ്റുനോക്കുന്നത്. അതിന് കാരണങ്ങളുമുണ്ട്.
പുതിയ മാറ്റങ്ങളുടെ അടിസ്ഥാനത്തില് 48 ടീമുകളെ ഉള്പ്പെടുത്തിയുള്ള ലോകകപ്പ് വരുന്നതോടെ ഏഷ്യയില് നിന്നടക്കം കൂടുതല് ടീമുകള്ക്ക് പങ്കെടുക്കാനുള്ള അവസരം ഒരുങ്ങും. ഇത് മുന്നില് കണ്ട് പ്രവര്ത്തിച്ചാല് അധികം വൈകാതെ ഇന്ത്യക്കും ലോകകപ്പ് കളിക്കാന് സാധിക്കുമെന്ന പ്രതീക്ഷയിലാണ് ആരാധകര്.
അതേസമയം, ലോകകപ്പ് ചരിത്രത്തിലെ ഏറ്റവും മികച്ച ഗ്രൂപ്പ് ഘട്ട പോരാട്ടങ്ങളാണ് ഖത്തറിലേത് എന്ന് ഫിഫ അധ്യക്ഷന് ജിയോനി ഇന്ഫാന്റിനോ പറഞ്ഞു. ഇക്കുറി ചെറിയ ടീമെന്നോ വലിയ ടീമെന്നോ ഉളള വേര്തിരിവില്ല. ചരിത്രത്തിലാദ്യമായി എല്ലാ കോണ്ഫെഡറേഷനുകളില് നിന്നും ടീമുകള് നോക്കൗട്ട് ഘട്ടത്തിലെത്തിയതും ഫുട്ബോളിന്റെ ആഗോളസ്വീകാര്യതയ്ക്ക് തെളിവാണെന്നും ഇന്ഫാന്റിനോ പറഞ്ഞു. മനോഹരമായ സ്റ്റേഡിയങ്ങളിലാണ് മത്സരങ്ങള് നടന്നത്. ഇതിനകം രണ്ട് ബില്യണിലധികം ടിവി പ്രേക്ഷകരെ ലോകകപ്പിന് ആകര്ഷിക്കാനായി. അതിശയകരമായ അന്തരീക്ഷം, മികച്ച ഗോളുകള്, അവിശ്വസനീയമായ ആവേശം, ചെറിയ ടീമുകള് വലിയ ടീമുകളെ തോല്പ്പിക്കുന്നു തുടങ്ങിയ കാരണങ്ങളെല്ലാം കൊണ്ട് ഖത്തര് ലോകകപ്പ് മികവ് തെളിയിച്ചു കഴിഞ്ഞു.