അവസാനനിമിഷം പെനാൽറ്റി വഴങ്ങി തോൽവി ഏറ്റുവാങ്ങി ജംഷദ്പൂർ
Dec 8, 2022, 22:49 IST
മത്സരത്തിന്റെ 89ആം മിനുട്ടിൽ ജംഷദ്പൂർ ക്യാപ്റ്റൻ പീറ്റർ ഹാർട്ലി സമ്മാനിച്ച പെനാൽറ്റിയിലാണ് മോഹൻ ബഗാൻ വിജയിച്ചു കയറിയത്
ഐഎസ്എല്ലിൽ തുടർച്ചയായ പരാജയങ്ങൾ ഏറ്റു വാങ്ങി ജംഷദ്പൂർ എഫ് സി. ഇന്ന് നടന്ന മത്സരത്തിൽ എടികെ മോഹൻ ബഗാനെതിരെ ഒരു ഗോളിനായിരുന്നു ജംഷദ്പൂരിന്റെ തോൽവി. മത്സരത്തിന്റെ 89ആം മിനുട്ടിൽ ജംഷദ്പൂർ ക്യാപ്റ്റൻ പീറ്റർ ഹാർട്ലി സമ്മാനിച്ച പെനാൽറ്റിയിലാണ് മോഹൻ ബഗാൻ വിജയിച്ചു കയറിയത്. കിക്ക്‌ എടുത്ത എടികെ താരം ഹ്യുഗോ ബൗമസ് പെനാൽറ്റി ലക്ഷ്യം കണ്ടു.
ജയത്തോടെ 19 പോയിന്റുമായി എടികെ മൂന്നാം സ്ഥാനത്തേക്ക് കയറിയപ്പോൾ നാല് പോയിന്റ് മാത്രമുള്ള ജംഷദ്പൂർ പത്താം സ്ഥാനത്ത് തുടരുകയാണ്.