പാകിസ്താനെ അട്ടിമറിച്ച് ടി-20 പരമ്പര സ്വന്തമാക്കി അയർലൻഡ് വനിതാ ടീം

പാകിസ്താനെതിരായ ടി-20 പരമ്പര സ്വന്തമാക്കി അയർലൻഡ് വനിതാ ടീം. മൂന്ന് മത്സരങ്ങളടങ്ങിയ പരമ്പര 2-1ന്  സ്വന്തമാക്കിയ അയർലൻഡിന് ഇത് ചരിത്ര നേട്ടമാണ്. അവസാന മത്സരത്തിൽ 34 റൺസിനായിരുന്നു അയർലൻഡ് വനിതകളുടെ ജയം. പാകിസ്ഥാൻ ആതിഥേയത്വം വഹിച്ച പരമ്പരയിൽ മൂന്ന് വീതം ടി-20യും ഏകദിന മത്സരങ്ങളുമാണ് ഉണ്ടായിരുന്നത്. ഏകദിന പരമ്പര 3-0ന് പാകിസ്താൻ തൂത്തുവാരിയിരുന്നു.