ചാര്ജ് ചെയ്യുന്നതിനിടെ മൊബൈല് പൊട്ടിത്തെറിച്ച് യുവതിക്ക് ദാരുണാന്ത്യം
Sep 28, 2023, 15:23 IST
തഞ്ചാവൂരില് ചാര്ജ് ചെയ്യുന്നതിനിടെ മൊബൈല് ഫോണ് പൊട്ടിത്തെറിച്ച് യുവതി മരിച്ചു. കപിസ്ഥലയില് മൊബൈല് ഫോണുകളുടെയും വാച്ചുകളുടെയും റിപ്പയര് കട നടത്തിയിരുന്ന കോകിലയാണ് (33) മരിച്ചത്. ഇയര്ഫോണ് ഉപയോഗിച്ച് കോകില സംസാരിക്കുന്നതിനിടെയാണ് ഫോണ് പൊട്ടിത്തെറിച്ചതെന്നാണ് വിവരം.
ഭര്ത്താവിന്റെ മരണശേഷം കോകില മൊബൈല്ഫോണ് ഷോപ്പ് നടത്തിയാണ് ജീവിതമാര്ഗം കണ്ടെത്തിയിരുന്നത്. സംസാരിക്കുന്നതിനിടെ വലിയ ശബ്ദത്തോടെ ഫോണ് പൊട്ടിത്തെറിക്കുകയും കടയിലാകെ തീ പടരുകയും ചെയ്തു. മറ്റു കടകളിലെ ജീവനക്കാരെത്തി മണിക്കൂറുകള് ശ്രമിച്ചാണ് തീയണച്ചത്. പിന്നീട് പോലിസെത്തിയാണ് കോകിലയുടെ മൃതദേഹം കടയില് നിന്നും മാറ്റിയത്.