മണിപ്പൂരിലെ നഗ്ന പരേഡ്, കൂട്ട ബലാത്സംഗം; രണ്ട് പേര് പൊലീസ് കസ്റ്റഡിയില്
മണിപ്പൂരില് സ്ത്രീകളെ നഗ്നരാക്കി നടത്തുകയും കൂട്ട ബലാത്സംഗത്തിനു ഇരയാക്കുകയും ചെയ്ത സംഭവത്തില് രണ്ട് പേര് കൂടി അറസ്റ്റില്. ഇതോടെ കേസില് പിടിയിലായവരുടെ എണ്ണം നാലായി. പ്രതികള്ക്കെതിരെ പീഡനത്തിനും കൊലക്കുറ്റത്തിനും കേസെടുത്തുതായി പൊലീസ് അറിയിച്ചു.
സംഭവത്തില് പ്രധാന പ്രതി നേരത്തെ പിടിയിലായിരുന്നു. മുഖ്യസൂത്രധാരനായ ഹെര്ദാസ് (32) എന്നയാളാണ് പിടിയിലായതെന്ന് പൊലീസ് വ്യക്തമാക്കി. മണിപ്പൂരിലെ തൗബാല് ജില്ലയില് നിന്നാണ് ഇയാളെ പൊലീസ് പിടികൂടിയത്. വീഡിയോയില് പച്ച ടീഷര്ട്ട് ധരിച്ച ഇയാളുടെ ദൃശ്യം വ്യക്തമായിരുന്നു. മറ്റു പ്രതികള്ക്കായി പൊലീസ് തിരച്ചില് ഊര്ജ്ജിതമാക്കി.
പ്രതികളെ കണ്ടെത്താനായി 12 പ്രത്യേക സംഘത്തെയാണ് നിയോഗിച്ചിട്ടുള്ളത്. തട്ടിക്കൊണ്ടുപോകല്, കൂട്ട ബലാത്സംഗം, കൊലപാതകം തുടങ്ങിയ വകുപ്പുകള് പ്രകാരമാണ് പൊലീസ് കേസെടുത്തിട്ടുള്ളത്. വിഷയത്തില് ദേശീയ മനുഷ്യാവകാശ കമ്മീഷന് ഇടപെട്ടിട്ടുണ്ട്. നാലാഴ്ചയ്ക്കകം റിപ്പോര്ട്ടു നല്കാന് ആവശ്യപ്പെട്ടു കമ്മീഷന് സംസ്ഥാന സര്ക്കാരിന് നോട്ടീസയച്ചു.
മണിപ്പൂരിന്റെ തലസ്ഥാനമായ ഇംഫാലില് നിന്ന് 35 കിലോമീറ്റര് അകലെയുള്ള കാന്ഗ്പോക്പി ജില്ലയിലായിരുന്നു മെയ് നാലിന് രാജ്യത്തിന് തന്നെ നാണക്കേടായ ഞെട്ടിക്കുന്ന സംഭവം നടന്നത്. സ്ത്രീകള് ആക്രമണത്തിന് ഇരയാക്കപ്പെടുന്നതിനു മുന്പേ പ്രദേശത്ത് കുക്കി-മെയ്തി വിഭാഗങ്ങള് തമ്മില് സംഘര്ഷം നിലനിന്നിരുന്നു. പീഡനത്തിനിരയായ സ്ത്രീകള് കുക്കി വിഭാഗത്തിലുള്ളവരാണ്. സംഭവം നടന്ന് മാസങ്ങള്ക്ക് ശേഷമാണ് സ്ത്രീകള്ക്ക് നേരെ നടന്ന അതിക്രമത്തിന്റെ ദൃശ്യങ്ങള് പുറത്തു വന്നത്. സംഭവത്തില് നേരത്തെ തന്നെ കൂട്ടബലാത്സംഗം, തട്ടിക്കൊണ്ടു പോകല്, കൊലപാതകം എന്നിവയുള്പ്പെടെയുള്ള വകുപ്പുകള് ചേര്ത്ത് പൊലീസ് കേസ് രജിസ്റ്റര് ചെയ്തെങ്കിലും ആരെയും അറസ്റ്റ് ചെയ്തിരുന്നില്ല.
സംഭവത്തിന്റെ വീഡിയോ സമൂഹമാധ്യമങ്ങളിലൂടെ പ്രചരിച്ചതോടെ പല കോണില് നിന്നും രൂക്ഷമായ വിമര്ശനങ്ങളാണ് ഉയരുന്നത്. കോണ്ഗ്രസ് ഉള്പ്പെടെയുള്ള പ്രതിപക്ഷ പാര്ട്ടികള് ശക്തമായ നടപടിയാവശ്യപ്പെട്ട് രംഗത്തെത്തിയിരുന്നു. സംഭവത്തില് രൂക്ഷമായി പ്രതികരിച്ച് പ്രധാനമന്ത്രി നരേന്ദ്ര മോദിയും രംഗത്തെത്തിയിരുന്നു. മണിപ്പൂരില് നടന്നത് രാ
സംസ്ഥാനത്ത് സ്ത്രീകളെ നഗ്നരാക്കി നടത്തിക്കുകയും കൂട്ടബലാത്സംഗം ചെയ്യുകയും ചെയ്ത സംഭവം കടുത്ത ഞെട്ടലുണ്ടാക്കിയെന്ന് മണിപ്പൂര് മുഖ്യമന്ത്രി ബിരേന് സിങ് പറഞ്ഞു. പ്രധാനപ്രതിയെ പൊലീസ് അറസ്റ്റു ചെയ്തിട്ടുണ്ട്. മറ്റു പ്രതികള്ക്കായി പൊലീസ് തിരച്ചില് തുടരുകയാണ്. കുറ്റവാളികള്ക്ക് മരണശിക്ഷ ഉറപ്പാക്കാന് സര്ക്കാര് ശ്രമിക്കുമെന്ന് മുഖ്യമന്ത്രി വ്യക്തമാക്കി.