ഗുരുവായൂരപ്പന് പിറന്നാള്‍ സമ്മാനം: 38 പവന്റെ കനക കിരീടം നൽകി ഭക്തൻ
Updated: Sep 3, 2023, 19:36 IST
തൃശൂർ: ഗുരുവായൂരപ്പന് പിറന്നാള്‍ സമ്മാനമായി ലഭിച്ചത് 38 പവന്റെ കനക കിരീടം. കോയമ്പത്തൂരിൽ സ്വർണ്ണ പണി ചെയ്യുന്ന തൃശൂർ കൈനൂർ തറവാട്ടിൽ കെ.വി.രാജേഷ് ആചാര്യയെന്ന ഭക്തനാണ് കിരീടം വഴിപാടായി കണ്ണൻ നൽകിയത്. ഗുരുവായൂര്‍ ശ്രീകൃഷ്ണ സ്വാമി ക്ഷേത്രത്തിലെത്തിയ പുതിയ സ്വര്‍ണക്കിരീടം അഷ്ടമിരോഹിണി ദിനമായ സെപ്റ്റംബർ 6 ബുധനാഴ്ച ഭഗവാൻ സമർപ്പിക്കും. ഏകദേശം 25 ലക്ഷത്തോളം വിലവരുന്നതാണ് 38 പവൻ തൂക്കം വരുന്ന സ്വര്‍ണകിരീടത്തിടം.
അതെസമയം തമിഴ്നാട് മുഖ്യമന്ത്രി എംകെ സ്റ്റാലിന്‍റെ ഭാര്യ ദുര്‍ഗ സ്റ്റാലിന്‍ കഴിഞ്ഞ മാസം ഗുരുവായൂരപ്പന് 14 ലക്ഷത്തിലേറെ വില വരുന്ന 32 പവന്റെ സ്വര്‍ണകിരീടം സമര്‍പ്പിച്ചിരുന്നു.