കെ സുധാകരന്റെ ആസ്ഥിയും വരുമാനവും കണ്ടെത്താനൊരുങ്ങി വിജിലന്സ്
Jul 1, 2023, 11:50 IST
തിരുവനന്തപൂരം: കെപിസിസി അധ്യക്ഷന് കെ സുധാകരന്റെ ആസ്ഥിയും വരുമാനവും കണ്ടെത്താനൊരുങ്ങി വിജിലന്സ്. ഇതുമായി ബന്ധപ്പെട്ട് കോഴിക്കോട് വിജിലന്സ് സ്പെഷ്യല് സെല് എസ് പി ലോക് സഭാ സെക്രട്ടറി ജനറലിന് കത്ത് നല്കി. എം പി എന്ന നിലയില് വരുമാനങ്ങളുടെ വിശദാംശങ്ങള് നല്കാനാണ് നിര്ദേശം.
സുധാകരന്റെ കഴിഞ്ഞ 15 വര്ഷത്തെ വരുമാനവും സ്വത്ത് സമ്പാദനവും ആണ് അന്വേഷിക്കുന്നത്. സുധാകരന്റെ വരുമാനവും അക്കൗണ്ടുകളും സ്വത്തും പരിശോധിക്കുന്നതായി വിജിലന്സ് അറിയിച്ചു. പുതിയ അന്വേഷണം അല്ലെന്നും 2021ല് തുടങ്ങിയതാണെന്നും വിജിലന്സ് സ്പെഷ്യല് സെല് പറഞ്ഞു. സ്പെഷ്യല് അസി. കമ്മീഷണര് അബ്ദുല് റസാക്കിന്റെ നേതൃത്വത്തിലാണ് അന്വേഷണം.