ഗവര്ണര് ആരിഫ് മുഹമ്മദ് ഖാന്റെ സഹോദരന് അറസ്റ്റില്
ന്യൂഡല്ഹി: പൊലീസ് ഉദ്യോസ്ഥനെ കയ്യേറ്റം ചെയ്തെന്ന കേസില് കോണ്ഗ്രസ് മുന് എംഎല്എയും കേരള ഗവര്ണര് ആരിഫ് മുഹമ്മദ് ഖാന്റെ സഹോദരന് ആസിഫ് മുഹമ്മദ് ഖാനെ ഡല്ഹി പൊലീസ് അറസ്റ്റ് ചെയ്തു. സംഭവത്തില് രണ്ടു പേരെകൂടി കസ്റ്റഡിയിലെടുത്തിയിട്ടുണ്ട്.
തെരെഞ്ഞെടുപ്പ് കമ്മീഷന്റെ അനുമതിയില്ലാതെ ജാമിയ നഗറില് യോഗം നടത്തുകയും ഇതു തടയാന് ചെന്ന പൊലീസ് ഉദ്യോഗസ്ഥനെ കയ്യേറ്റം ചെയ്തുവെന്ന് പരാതിയുടെ അടിസ്ഥാനത്തിലാണ് അറസ്റ്റ് നടന്നത്.
അതേസമയം, പണം നല്കി വോട്ടര്മാരെ സ്വാധീനിക്കാനുള്ള ആം ആദ്മി പ്രവര്ത്തകരുടെ ശ്രമം തടയാനെത്തിയപ്പോള് പൊലീസ് ഇടപെട്ടെന്നാണ് ആസിഫിന്റെ പ്രതികരണം. എന്നാല്
യോഗം നടത്താന് അനുമതി ഉണ്ടോ എന്ന് പൊലീസ് ഉദ്യോഗസ്ഥന് ചോദിച്ചപ്പോള്, ആസിഫ് മുഹമ്മദ് അക്രമാസക്തനാകുകയും എസ്ഐയോട് മോശമായി പെരുമാറുകയുമായിരുന്നുവെന്നാണ് ഡിസിപി ഇഷ പാണ്ഡെ വ്യക്തമാക്കിയത്.
Content Highlights - Asif Muhammed Khan Arrested, Delhi