മൊബൈൽ ഫോൺ പൊട്ടിത്തെറിച്ച് എട്ടു വയസുകാരി മരിച്ചു
Apr 25, 2023, 10:41 IST
തൃശൂര് - വീഡിയോ കാണുന്നതിനിടെ മൊബൈല്ഫോണ് പൊട്ടിത്തെറിച്ച് എട്ടുവയസുകാരി മരിച്ചു. തിരുവില്വാമല പട്ടിപ്പറമ്പ് കുന്നത്ത് വീട്ടില് അശോക് കുമാറിന്റെ മകള് ആദിത്യശ്രീ (8) ആണ് മരിച്ചത്. തിരുവില്വാമല പുനര്ജനി ക്രെസ്റ്റ് ന്യൂ ലൈഫ് സ്കൂളില് മൂന്നാംക്ലാസ് വിദ്യാര്ത്ഥിനിയാണ്. ഇന്നലെ രാത്രി 10 മണിയോടെയാണ് അപകടം നടന്നത്. മൊബൈല് ഫോണില് വീഡിയോ കാണുന്നതിനിടെ ഫോണ് ഉഗ്രശബ്ദത്തോടെ പൊട്ടിത്തെറിക്കുകയായിരുന്നു. മുഖത്തടക്കം ഗുരുതര പരിക്കേറ്റതാണ് മരണ കാരണം. പൊട്ടിത്തെറിച്ച മൊബൈല്ഫോണ് ഫോറന്സിക് പരിശോധനയ്ക്ക് അയച്ചിട്ടുണ്ട്. ഫോറന്സിക് പരിശോധനയ്ക്ക് ശേഷം മാത്രമേ അപകടത്തെ സംബന്ധച്ച് കൂടുതല് കാര്യങ്ങള് വ്യക്തമാകൂ. കുട്ടിയുടെ മൃതദേഹം പോസ്റ്റുമോര്ട്ടത്തിനായി തൃശൂര് മെഡി. കോളജിലേക്ക് മാറ്റി.